VNK-Tennistoernooi

HSDA het tussen 7 en 8 Februarie 2025 aan die jaarlikse VNK-Tennistoernooi op Burgersdorp deelgeneem.

Daar is aan dubbels- en gemengdedubbels deelgeneem teen groot skole soos Hoërskool Cradock, Hoërskool Jim Fouché van Bloemfontein en Union. Hoërskool Burgersdorp en Hoërskool Middelburg was ook deel van die toernooi en daar is topgehalte tennis oor twee dae gespeel.

Dit het uitstekend met HSDA gegaan en ons oorrompel ons opponente om die dubbels en gemengde dubbels te wen. Ons dring daarna deur na die Top 4 skole en wen vir Middelburg en daarna vir Union om as die algehele wenners van die toernooi gekroon te word. Voorwaar ‘n besonderse prestasie.