2025 Kimberley
HSDA-RUGBY BLINK UIT IN KIMBERLEY
Die afgelope naweek het Hoërskool De Aar teen Kimberley Boys High gespeel. Die o.15B-span het die dou van die gras afgespeel en daarin geslaag om 17 elk gelykop te eindig. Na nog net vier goeie oefensessies as ‘n span het hulle, hul baie goed van hul taak gekwyt. Die o.15A-span het daarna teenstryd gekry en moes hard werk vir die oorwinning van 21-20.
Ons o.17-span het soos gewoonlik die tafel vir die eerste span voorberei en goed met hul teenstaanders afgereken met ‘n telling van 35-0. Die eerste span het teen ‘n swaar pak geskrum. Hulle het bietjie gesukkel in die eerste helfte, maar het die bal goed begin rond skuif en Kimberley Boys High se eerste span afgestof met ‘n telling van 27-7.
Dankie aan elke ouer wat die dag gevat het en die kilometers afgelê het om te kom ondersteun.

Rugby eerstespan wen 27 - 7 teen Boys High.

Rugby o.17 wen 35-0 teen Boys High.

Rugby o.15A wen 21-20 teen Boys High.

Rugby o.15B speel 17-17 gelykop teen Boys High.