HSDA-leerders toer na Namibië

J.P van der Westhuizen en Avuswa Diamond is na die afloop van die VKB-week in Frankfort gekies om Suid-Afrika in Namibië te verteenwoordig. Albei seuns was deel van die o.16-Griekwaland-Wes plattelandspan.

Tydens die o.16-VKB-rugbytoernooi was alle provinsies goed verteenwoordig en slegs 23 seuns, uit alle spanne was tot die gesogte o.16-toerspan verkies.

Dit is ‘n groot prestasie vir HSDA om twee seuns in hierdie span te kon hê.

Die span het baie goed gevaar en kon twee uit drie wedstryde wen. Hierdie prestasie het nie net vir hulle baie mooi herinneringe opgelewer nie, maar ook waardevolle ervaring in hul rugbyspel.

HSDA is trots op J.P. en Avuswa wat dankbaar is vir die geleentheid om ons land en skool op ‘n internasionale vlak te kon verteenwoordig.

Welkom terug, manne!