Rugby-semifinaal te Kimberley

Die afgelope naweek het die verskeie rugbyspanne in Kimberley aan die Griekwaland-Wes Meduimskole-Liga deelgeneem.

Die onder 15’s speel ‘n trotserende wedstryd teen Hoërskool Kathu en speel hul harte uit, Hulle verloor ongelukkig die wedstryd 21-19.

Die onder 17’s kom ook voor Hoërskool Kathu te staan, maar kon met hul veerkragtigheid daarin slaag om te wen.

Die seuns speel dié naweek in die eindstryd om 12:20 op Sukazipark teen Hoërskool Prieska.

Die eerste span het hul kragte teen Hoërskool Namakwaland gemeet.

Dit was ‘n naelbyter wedstryd met ‘n gelykop telling van 24 aan die einde, wat daartoe gelei het dat hul moes oorgaan tot ekstra tyd.

HSDA het met ‘n strafskop ‘n drie-punt voorsprong behou tot die laaste 20 sekondes van ekstratyd, waar Namakwaland weens swak verdediging ‘n drie kon druk en dus die wedstryd wen met ‘n telling 31-27.

Die seisoen kom tot ‘n einde, maar daar was baie hoogtepunte vir die jaar se eerste span met baie spelers wat in die Sparweek-spanne opgeneem is en ook die oplewering van ‘n Akademieweek-speler.

HSDA is uiters trots op een en eelk van hierdie spelers.