Netbal

Op 22 Februarie het drie van HSDA se netbalspanne aan Hoërskool Upington se sportdag deelgeneem. Dit was ‘n lekker warm en bedompige dag, maar die spelers het hul staal gewys; soos net Arende kan.

Al die spanne het in die B-liga gespeel, waar die onder 15’s 3 uit 3 wedstryde gewen het en die onder 14’s, 1 uit 2 wedstryde gewen het. Ons is baie trots op elkeen van hierdie spelers.

Die tellings was as volg:

O.15A

Wen HS Upington o.16B 20-6

Wen HS Upington o.14B 15-2

Wen HS Upington o.15B 15-8

O.14

Wen HS Kathu o.14A 9-5

Verloor teen HS Upington o.14B 8-10

Die o.19-netbalgroep het met groot geesdrif deelgeneem. Die spelers het hul vaardighede en spanwerk ten volle ingespan en elke wedstryd met deursettingsvermoë en sportmangees aangepak.

Ons het teen sterk spanne meegeding en waardevolle ondervinding opgedoen. Die span het daarin geslaag om al hul wedstryde te wen. Ons sien uit na die seisoen wat voorlê.

Kom kyk gerus vir hierdie belowende spelers by die Karoofees op Saterdag, 1 Maart, waar ons vir Adamantia op die baan gaan aandurf.