Zanri Dumas het vanaf die 2de tot die 13de September saam met die Suid-Afrikaanse Toutrekspan na Duitsland getoer vir die “Tug of War World Championship” in Mannheim.

Die 5de en 6de September was die ope-afdeling waar sy namens Hoërskool Robertson getrek het. In die 520kg gemengde o.19-afdeling het hulle ‘n tweede plek behaal en in die 480kg dames o.19 het hulle ook ‘n tweede plek verower.

Die 7de en 8ste was die “World Championships” waar sy as deel van die Suid-Afrikaanse span getrek het. In die 520kg gemengde o.19-afdeling is hul vierde en in die 480kg dames o.19-afdeling het hulle ‘n derde plek gewen.

Zanri wil net dankie sê aan almal vir hul ondersteuning en boodskappe gedurende die tyd asook vir haar spanmaats, vir al hul harde werk en deursettingsvermoë.