Hoërskool De Aar se graad 9-leerders besoek Solar Capital De Aar aanleg 3.

Op 6 November 2024, het HSDA se graad 9-leerders op ‘n uitstappie na Solar Capital De Aar gegaan. Die leerders is vergesel deur meneer Jason Bosman die aanlegbestuurder van Solar Capital De Aar aanleg 3. Hy het die leerders ingelig oor hoe elektrisiteit deur sonkrag gemaak kan word, sowel as om vir leerders te wys hoe hulle die sonpannele monitor om te kyk dat elke sonpaneel optimale elektrisiteit kan produseer. Leerders was dan ook deur meneer Retief Nienaber, die gesondheids- en veiligheidsbeampte, toegespreek oor alle maatreëls wat nagekom moet word op die aanleg en wat hulle moet doen in sekere gevalle van nood. Hy het leerders ook in kennis gestel van die moets en moenies van sonpanele en dat mens altyd veilig moet wees rondom so ‘n groot elektrisiteitsaanleg. Meneer Abner Wagenaar het leerders meer oor die betrokkenheid van Solar Capital in die gemeenskap ingelig.

Die leerders het hierdie uitstappie baie geniet en baie geleer oor hoe hernubarekrag werk. Baie dankie, Solar Capital De Aar aanleg 3, dat julle hierdie geleentheid moontlik gemaak het vir HSDA se leerders, om nie net te sien hoe elektrisiteit geproduseer word nie, maar ook dat leerders die geleentheid kon kry om te kon sien watter tipe werksgeleenthede daar op die aanleg is.