HSDA REëL 67 MINUTE STAP VIR KANKER

Soos wat elke jaar die gebruik is, wy HSDA jaarliks op 18 Julie, sogenaamde Madiba Dag, 67 minute aan die Stap vir Kanker.

Hierdie jaar, soos oudergewoonte het die hele gemeenskap weer opgedaag en kom saam stap. Ons is opreg dankbaar vir almal se harte en donasies vir hierdie saak.

Alle gelde is aan CANSA oorbetaal.

Gelukkig het die weer die jaar bietjie meer saamgespeel as laas jaar en kon daar amper dubbeld soveel mense as 2023 opdaag.

Met die opening is elke een herinner aan die brose, kosbaarheid van gesond wees en om dankbaar te wees vir energie en lewe!

Kankerpasiënte sal ons kan leer hoe om elke dat te waardeer en te koester.

Die sameroeper het versoek dat die eerste rondte om die baan in absolute stilte geskied, gewy aan elke een wie die pad met kanker stap.

Daar was ‘n gewyde stilte, sonder musiek, net hier en daar ‘n kinderlaggie vir die eerste paar minute.

Hierna het jonk en oud losgetrek, en gelag en gesels terwyl hul hulself warm stap. (Een jongeling het ook gehuil van ‘n seer val, maar gelukkig is daar niks wat ‘n lekker snoepie tannie nie kan reg dokter!)

Ons waardeer elke een se ruim harte en deelwees van die insameling. Ons kon danksy jul, ‘n ruim bedrag aan CANSA skenk.

Volgende jaar maak ons weer so!