LILITHA SOLAR PV

Hoërskool De Aar se graad 9-leerders besoek Lilitha Solar PV.

Lilitha Solar wat, ligstraal beteken, is vernoem na sy Afrika oorsprong en die streek se ryk bron aan sonlig.

Hierdie 75MW-projek is in die hart van Suid-Afrika se hernubare energie opwekking, in De Aar, Noord-Kaap Provinsie geleë.

Op 6 November 2024, het HSDA se graad 9-leerders op ‘n uitstappie na dié Lilitha Solar PV, 75MW sonkrag-aanleg gegaan.

Die leerders is deur Mnr. Jason Bosman, die aanlegbestuurder van Lilitha Solar PV vergesel.

Hy het die leerders ingelig oor hoe elektrisiteit deur Sonkrag gemaak kan word, sowel as om vir leerders te wys hoe hulle die sonpanele monitor om te kyk dat elke sonpaneel optimale elektrisiteit kan produseer.

Leerders was ook deur meneer Renier Nienaber, die gesondheids- en veiligheidsbeampte, toegespreek oor alle maatreëls wat nagekom moet word op die aanleg en wat hulle moet doen in sekere gevalle van nood.

Hy het leerders ook in kennis gestel van die moets en moenies van sonpanele en dat mens altyd veilig moet wees rondom so ‘n groot elektrisiteitsaanleg. Meneer Abner Wagenaar het leerders meer oor die betrokkenheid van Lilitha Solar PV in die gemeenskap ingelig.

Die leerders het hierdie uitstappie baie geniet en baie geleer oor hoe hernubare energie werk. Baie dankie, Lilitha Solar PV De Aar, dat julle hierdie geleentheid moontlik gemaak het vir HSDA se leerders, om nie net te sien hoe elektrisiteit produseer word nie, maar ook dat leerders die geleentheid kon kry om te kon sien watter tipe werks geleenthede daar is op die aanleg is.