Vier talentvolle leerders van Hoërskool De Aar het tydens die Desembervakansie die Noord-Kaap by die vername Interprovinsiale Skaaktoernooi in Polokwane verteenwoordig.

Patrick Kitengye, Cherise April, TC Markgraaf en Thami Madyo het almal hul staal gewys in 'n kompetisie waar die land se beste jong skaakspelers teen mekaar te staan kom.

Die toernooi het uit sewe rondtes bestaan, waartydens Patrick Kitengye uitmuntend gevaar het met vyf oorwinnings.

Cherise April, TC Markgraaff en Thami Madyo het elk drie wedstryde gewen.

Hulle het nie net deursettingsvermoë en toewyding gewys nie, maar ook hul liefde vir die spel.