Hoërskool De Aar leerders presteer by die Suid-Afrikaanse Kampioenskappe vir Uitvoerende Kunste.

De Aar Eagles se dans uitslae:

“Cheer dance”: Goud

“Freestyle”: Silwer

“Open”: Silwer

Hierdie groep, onder leiding van hul afrigter, me. Elzaan Fourie, word dan ook gekies vir die Suid-Afrikaanse span vir 2024 wat volgende jaar in Los Angeles aan die Wêreld Kampioenskappe vir Uitvoerende Kunste gaan deelneem.

‘n Hoogtepunt vir hierdie span was ook om deel te wees van SACOPA se “showcase”.

Dit is ‘n prestige konsert waar slegs ‘n handjievol deelnemers, uit duisende inskrywings, gekies word om hul talent ten toon te stel voor ‘n stampvol saal.

Hoërskool De Aar het ook solo-inskrywingsgehad waarvan twee leerders baie goed presteer het.

Anke van der Westhuizen verower een silwer en twee brons medaljes vir solo-sang en word ook vir die Suid-Afrikaanse span 2024 gekies.

Sy het ook die voorreg gehad om deel te wees van die “showcase”.

Leandro de Carvalho verower twee silwer medaljes en een brons medalje vir solo-sang, ook Leandro word gekies vir die Suid-Afrikaanse span vir 2024.

**Lleona Festusz88 het deelgeneem in die model- en dansafdeling.

Karia Erasmus het aan die solo-dansafdeling deelgeneem en Prince Rajabu in die solo-sangafdeling.

TC Markgraaff het in die modelafdeling deelgeneem.

Hoërskool De Aar is ongelooflik trots op hierdie leerders se prestasies en hul deelname aan SACOPA, waar hulle werklik teen van die land se bestes moes kompeteer.

Welgedaan aan elke leerder.